Tiranë, 14 maj 2011, NOA- Aktualisht në KZAZ-në numër 49 ku po numërohen edhe katër kutitë e fundit të votimit, aktualisht ndodhen vëzhgues të OSBE-ODHIR dhe ambasadori i Bashkimit Europian në Tiranë, Ettore Sequi.
Më shumë se çdo herë tjetër nga ana e përfaqësisë ndërkombëtare është apeluar që procesi i numërimit të votave të përfundojë sa më shpejt në mënyrë që të arrihet edhe rezultati i saktë për kryebashkiakun e kryeqytetit.
Mësohet se më herët në këtë njësi ka qenë edhe ambasadori i Shteteve të Bashkuara të Amerikës, Aleksandër Arvizu i cili së bashku me vëzhguesit e tjerë kanë vëzhguar në mënyrë të rreptë, procesin e numërimit, çka ka bërë që edhe numëruesit gjatë ditës së sotme të përshpejtojnë ritmin e leximit të votave.
a.y/NOA
