Norvegji, 22 maj, NOA - Norvegjia ka anuluar pagesën e huas prej 42 milion dollarëve për Greqinë, për shkak se Athina nuk ka përmbushur detyrimet e marra.
Ministria e Jashtme e Norvegjisë theksoi se Athina ka shkelur edhe rregullat e pranimit të ndihmave. Norvegjia, e cila nuk është anëtare e BE-së, bëri të ditur se huaja e suspenduar nuk është pjesë e pakos së miratuar të BE-së prej 110 miliardë euro dhe nga FMN.
“Donatorët nuk mund të pranojnë shkeljen e rregullave dhe kërkohet që autoritetet greke të vendosin çështjet dhe të shpalosin dokumentet se sa mjete janë harxhuar”, theksohet në komunikatën e qeverisë në Oslo.
NOA
