Prishtinë, 26 maj 2011, NOA- Monitorues të Këshillit për Mbrojtjen e të Drejtave e të Lirive të Njeriut në Prishtinë, vizituan Qendrën e Ndalimit në Prishtinë duke u ndalur tek pjesëtarët e policisë, në mesin e këtyre 6 policëve 4 janë të njësisë speciale.
Zyrtarët e KMDLNj u interesuan për trajtimin e tyre që nga momenti i arrestimit e deri në dhënien e vendimit për ndalim prej 48 orëve si dhe gjatë qëndrimit në këtë qendër.
Në deklaratën e KMDLNJ thuhet se ata kryesisht ishin trajtuar mirë dhe sipas rregullave të përcaktuara, duke mos shprehur pakënaqësi për stafin dhe personelin dhe as për sjelljen e policëve gjatë arrestimit të tyre.
Ndërkaq nga ana e tyre shprehet befasi për ndalimin që u është thënë sepse deklarojnë se kanë qenë në dispozicion të hetuesisë që nga fillimi.
a.y/NOA
