Tiranë, 30 maj 2011 NOA - Vjehrri dhe nusja përleshen me njëri-tjetri, plagoset 78-vjeçari. Ngjarja ndodhi pak minuta më parë pranë maternitetit të ri “Koço Glozheni” në Tiranë kur është plagosur me thikë 78-vjeçari Vasti Kreko.
Efektivët e komisariatit të policisë nr.1, të sinjalizuar për ngjarjen mbërritën menjëherë për të sqaruar rrethanat, i thanë
Burimet policore thanë se fillimisht u dyshua se i moshuari u godit me thikë nga nusja e djalit të tij, Rajmonda Kreko, por nga hetimet e para dyshohet se ai ka qëlluar veten gjatë përleshjes me të.
Megjithatë forcat e policisë të cilat ndodhen në vendngjarje kanë marrë në pyetje pjesëtarët e familjes për të zbardhur rrethanat.
I moshuari u transportua menjëherë në spital nga ku mësohet se ndodhet në gjendje të rëndë shëndetësore.
Policia ende nuk ka mundur të zbardh motivet e këtij sherri ndërsa shtoi se mes vjehrrit dhe nuses kishte nisur një konflikt i cili degjeneroi në përleshje.
e.t/NOA
