E martë, 31 maj 2011, NOA- Shkon në 14 persona numri i të vdekurve në Gjermani për shkak të virusit vdekjeprurës, Escherichia Coli.
Zyrtarë të shëndetësisë në këtë vend deklarojnë, se ky numër vdekshmërie ka lidhje me trangujt e eksportuar nga Spanja, ku mësohet se me qindra të tjerë janë të prekur nga ky virus.
Ndërkaq Instituti Kombëtar i sëmundjeve në Gjermani këshilloi qytetarët në veri të vendit, ku janë shfaqur shumica e rasteve, që të mos hanë domate, tranguj dhe perime të pa ziera.
Nga ana e Qendrës Europiane për Parandalimin dhe Kontrollin e Sëmundjeve po hetohet burimi dhe gjerësia e rrezikut, si dhe mundësia e frenimit të tij.
a.y/NOA
