Fushë Krujë, 7 shtator, NOA – Një 30 vjeçar është arrestuar ditën e djeshme nga policia, pasi është kapur duke vjedhur naftën e automjeteve në vendin ku punonte. Ngjarja ka ndodhur Fabrikën e Çimentos në Fushë Krujë, dje në orën 16.45. Personi i arrestuar është Shpëtim Zalla, 30 vjeç, banues në fshatin Zalle Krujë.
Zalla punonte në fabrikë si fadromist. Sipas policisë, ai ka marrë 20 litra naftë dhe më pas i kishte hedhur ato në makinën e tij me KR 7684 A. Por pas arrestimit policia ka bërë më pas dhe kontroll në banesën e tij, ku gjetur 7 copë fishekë gjuetie të cilët ai i mbante pa leje.
30-vjeçari është nën hetim nga policia për veprën penale të vjedhjes dhe të armëmbajtjes pa leje.
a.k/NOA
