Mikonos, 18 qershor 2011, NOA - Shakira dhe i dashuri i saj i zemrës, Gerard Pique kanë zgjedhur ishullin e Mikonos në Greqi për pushime disa ditore.
Edhe pse çifti i famshëm bëri çmos që ta mbante të fshehtë këtë arratisje të tyre, ata nuk i kanë shpëtuar objektivit të paparacëve në ishullin e Mikonos.
Shakira dhe Pique mbërritën në ishull me një avion privat.
Asi i Barcelonës dhe e dashura e tij u ulën në aeroport herët në mëngjes, për të shmangur kështu praninë e madhe të njerëzve në aeroport.
Por, një çift i tillë nuk ka si të mos vihet re.
Ishin disa banorë të ishullit që raportuan se Shakira ishte veshur thjeshtë dhe me taka të larta.
Ata do të qëndrojnë në ishull përreth 1 javë.
mit/NOA
