Tiranë, 20 Qershor 2011 NOA/ Albana Qehajaj - Komisioni Qendror i Zgjedhjeve kreu sot numërim të votave të kontestuara dhe atyre të pavlefshme, në kutitë e votimit që i përkasin qendrave të votimit në Njësitë Bashkiake numër katër dhe pesë në Tiranë.
Nga ky proces i vazhduar numërimi për votat e ngrira, rezulton se kandidati i Aleancës për Qytetarin Lulzim Basha ruan avantazhin duke qenë me 83 vota para rivalit të tij socialist, Edi Rama.
Gjatë ditës së sotme u numëruan fletëvotimi gjithsej 224 tek njësia nr 5 e kryeqytetit. Në to rezultoi se kandidati Basha kishte 8 vota kurse rivali i majtë, 3 vota.
Kurse më herët gjatë ditës, ishin numëruar fletët e ngrira edhe për 160 kuti të tjera ku rezultoi se si Basha dhe Rama, shtonin në totalin e votave pro ndaj tyre, plot 53 secili.
Procesi i verifikimit të votave të ngrira po ecën me ritme të shpejta në KQZ. Gjatë ditës së martë pritet të numërohen fletëvotimet e shpallura të pavlefshme dhe ato të kontestuara, në njësitë nr 6 dhe 7.
e.t/NOA
