Prishtinë, 3 korrik 2011, NOA – E sapokthyer në aeroportin ndërkombëtar të Prishtinës, udhëheqësja e delegacionit të Kosovës në bisedimet teknike Kosovë-Serbi, njëherësh zëvendëskryeministrja Edita Tahiri deklaroi se tri marrëveshjet e nënshkruara me Serbinë mbrëmë në Bruksel, do të nisin të zbatohen nga 1 nëntori 2011.
Duke folur për gazetarët në një konferencë për shtyp, zonja Tahiri bëri me dije se “nga 1 nëntori do të zbatohet ligji në të gjithë territorin e Kosovës dhe do të eliminohen strukturat paralele. Dhe qytetarët do të lëvizin lirshëm brenda territoreve të të dy shteteve”, theksoi zëvendëskryeministrja e Kosovës.
Dy delegacionet serbe e kosovare nënshkruan mbrëmë në Bruksel marrëveshjet për lëvizjen e lirë, regjistrat civilë dhe diplomat.
mit/NOA
