Bruksel, 8 korrik 2011, NOA- Maja Koçijançic zëdhënësja e Katherine Ashton, kryediplomates së Bashkimit Europian është shprehur lidhur me vendimin e dhënë sot nga Kolegji Zgjedhor ku është rrëzuar kërkesa e Partisë Socialiste për tejkalim afati.
Gjatë fjalës së saj ajo është shprehur se Bashkimi Europian ka ndjekur zhvillimet në Shqipëri duke shtuar se duhen njohur detajet e qëndrimit të Kolegjit Zgjedhor dhe arsyetimi i dhënë nga Kolegji.
Ajo ka thënë nuk mund të jepet një qëndrim i qartë i Bashkimit Europian për sa kohë që argumenti i dhënë nga trupa e gjyqtarëve të Kolegjit Zgjedhor nuk është bërë i ditur.
Sakaq Koçijançic theksoi se palët e politikës shqiptare duhet të tregojnë maturi deri në zbardhjen e arsyetimit të dhënë ditën e sotme.
Vendimi i marrë sot nga Kolegji Zgjedhor për rrëzimin e kërkesës së Partisë Socialiste, që kërkonte pavlefshmërinë e zgjedhjeve në Tiranë, ka lënë në fuqi vendimin e Komisionit Qendror të Zgjedhjeve që shpalli Lulzim Bashën fitues në kryeqytet. Ka qenë relatorja e çështjes, gjyqtarja Shasenka Jonuzi, e cila në shpalljen e vendimit të sotëm argumentoi se kërkesë padia e Partisë Socialiste është dorëzuar jashtë afateve të caktuara ligjore.
a.y/NOA
