Vjenë, 16 korrik, NOA - Në krahasim me të gjitha vendet e tjera të rajonit, Shqipëria rezulton që të ketë rritjen më të madhe ekonomike, e cila do të kulmojë sidomos pas dy vitesh.
Një parashikim i tillë është bërë në raportin më të fundit të publikuar nga Instituti Ndërkombëtar i Vjenës për Studime Ekonomike mbi nivelin e zhvillimit ekonomik në vendet e Evropës Qendrore dhe Lindore.
Mes tyre, Shqipëria figuron si vendi që nuk ka shënuar në dy vitet e kaluara rënie në nivelin minus të rritjes ekonomike dhe që premton në dy vitet e ardhshme një rritje pozitive, duke arritur deri në nivelin prej 5 përqind të rritjes së Prodhimit të Brendshëm Bruto.
Kështu, raporti citon se ekonomia shqiptare deri në vitin 2013 do të arrijë një nivel prej 5% të këtij treguesi, duke lënë pas vendet e rajonit, si Kroacia, Mali i Zi, Maqedonia, Bosnja etj, që të gjitha nën këtë shifër për vitin 2013.
Të dhënat e raportit
Viti Rritja në %
SHQIPËRIA
2009 3.3
2010 4.0
2011 4.1
2012 3.9
2013 5
KROACIA
2009 -6.0
2010 -1.2
2011 1
2012 2
2013 3
MAQEDONIA
2009 -0.9
2010 0.7
2011 2
2012 3
2013 3
MALI i ZI
2009 -5.7
2010 0.5
2011 2
2012 3
2013 3
TURQIA
2009 -4.8
2010 8.9
2011 6
2012 4.5
2013 4.0
BOSNJA
2009 -3.0
2010 0.9
2011 2.2
2012 3
2013 3
n.e/NOA
