Igumenicë, (Greqi) 17 korrik, NOA – Dy persona janë arrestuar nga policia greke, pasi dyshohen si pjesë e një grupi trafikantësh droge. Një shqiptar dhe një grek u ndaluan nga policia e shtetit fqinje në Igumenicë dhe ju sekuestrua një sasi prej 130 kilogramë hashash. Operacioni i policisë është bërë mbrëmjen e djeshme nga policia greke. Ndërkohë qe emrat e personave të arrestuar s’janë bërë ende të ditur.
Operacioni i forcave të policisë është zhvilluar njëkohësisht në dy qytete, në Igumenicë dhe në Athinë. Në Igumenicë është arrestuar një qytetari grek, i cili ka pasur në makinën e tij të marrë me qera dhe lëndën narkotike.
Më pas është bërë dhe ndalimi i qytetarit shqiptar në Athinë. Në bazë të hetimeve, shqiptari rezultonte i implikuar. Sipas policisë, shqiptari do të priste lëndën narkotike. Po hetohet dhe për persona të tjerë që mund të jenë implikuar në këtë trafik.
a.k/NOA
