Tiranë, 19 korrik 2011 NOA – Nisen drejt Afganistanit forcat e para të policisë shqiptare, misioni i të cilave do të jetë, trajnimi i policisë afgane. Kryeministri Berisha, i cili ka qenë i pranishëm në ceremoninë e përcjelljes së trupave tha se, ky është misioni i parë i pavaruar i Shqipërisë dhe kjo është një arritje e madhe.
“Ne sot, përcjellim një grup prej 5 oficerësh në një detyrë të rëndësishme, detyrën e trajnimit të policisë afgane. Ky është minsioni i parë paqeruajtës i policisë së shtetit shqiptar dhe përbën një arritje madhore. Qeveria do të bëjë gjithçka për mbështetjen në përmbushjen e detyrimeve ligjore”, u shpreh kryeministri.
Në këtë ceremoni ka folur edhe zv/ambasadorja e SHBA, Deborah Jones e cila falënderoi qeverinë shqiptare për bashkëpunimin në Afganistan. Ajo informoi gjithashtu se turi i trajnuesve të policisë shqiptare do të jetë për një periudhë 6-mujore.
5 trajnuesve të policisë shqiptare kryeministri Berisha u dorëzoi flamurin me simbolet kombëtare.
a.q/NOA
