Londër, 22 Korrik NOA - Lufta e Al Kaedës duhet thënë se nuk është ndërprerë me vdekjen e Osama Bin Laden.
Në rrjetin e Internetit janë shfaqur imazhet e para të një mjeti të ri rekrutimi të rrjetit terrorist: bëhet fjalë për një film vizatimor.
Ka qenë kjo mënyra me të cilën ata po kërkojnë të rekrutojnë “leva” të reja në luftën e tyre duke nisur, pikërisht, nga fëmijët.
Filmi është në stilin Disney, siç pohojnë dhe vetë ekspertët, por me mesazhe anti perëndimore.
Skenat e para nisin me fëmijë të veshur me rroba të bardha që luftojnë e marrin pjesë në sulme terroriste.
Të rejat në lidhje me këtë film janë prezantuar nga grupi Abu al-Laith al-Yemen, në sitin e uebit në gjuhën arabe, al-Shamouk.
Lajmi është bërë i ditur nga fondacioni “Quilliam” në Londra.
r.b/NOA
