Kaliforni, 5 Gusht NOA - Po gërmonte një tunel në plazh së bashku me miqtë e tij, ku për një moment rëra e zuri përsipër dhe mbeti në kurth.
I varrosur për së gjalli për 30 minuta në një thellësi prej 2 metrash nën tokë, është shpëtuar falë ndihmës së rreth 40 agjentëve të ndihmës së shpejtë, të cilët kanë gërmuar në sytë e qindra personave kuriozë që ishin rrethuar, në një skenë e cila është xhiruar dhe me video-kamera.
Gjithçka ka ndodhur në Newport Beach, në Kaliforni.
Lajmi është njoftuar vetë familjarët e fëmijës, të cilët e transportuan atë menjëherë në spital dhe kanë bërë të ditur se vogëlushi aktualisht është në gjendje të mirë shëndetësore.
Nuk është hera e parë që një episod i tillë është regjistruar në lumin e Santa Ana.
Rreth 20 vite më parë një fëmijë 7-vjeçar ka humbur jetën në një situatë thuajse të njëjtë.
r.b/NOA
