Pogradec, 8 Gusht 2011 NOA/ Alba Filipi – Një 33 vjeçar është dhunuar egërsisht nga tre persona të cilët për motive të dobëta e kanë futur në mes duke e goditur me grushte dhe shkelma e më tej me thikë duke e plagosur e më pas plaçkitur.
Ngjarja ka ndodhur dje në lagjen nr 5 të qytetit Pogradec, raporton korrespondentja e agjencisë NOA.
Lidhur me këtë incident, policia e qarkut Korçë i konfirmoi agjencisë NOA sot se u bë i mundur arrestimi i Fation Lipo 27 vjeç, Emiliano Lipo 19 vjeç dhe i mitur K.L 16 vjeç, që të tre banues në fshatin Leshnicë - Pogradec.
“Arrestimi i tyre u be pasi këta shtetas, ne lagjen nr 5 Pogradec, për motive te dobëta, në bashkëpunim me njeri - tjetrin, kane plagosur me mjet te mprehte (thike) shtetasin E.M 33 vjeç, banues ne Pogradec, dhe më pas e kanë grabitur”, - tha zyrtarisht drejtori i Policisë së Korçës.
Bëhet e ditur se pas dhunimit, 33-vjeçarit i janë grabitur një çantë dore, brenda te cilës kishte nje aparat celular, 15.000 leke te reja, një këllëf syzesh dhe një pakete cigaresh, te cilat u sekuestruan ne cilësinë e provës materiale pasi iu gjetën të arrestuarve.
Veprat penale qe tre të rinjtë kanë konsumuar jane “Plagosje e lehte me dashje”, “ Mbajtja pa leje e armeve te ftohta”, “Vjedhje e kryer ne bashkepunim”.
Policia tha se materialet e përpiluara për kete rast i kaluan Prokurorise se Rrethit Gjyqesor Pogradec per veprime te mëtejshme.
a.f/NOA
