E mërkurë, 17 gusht 2011, NOA- Grevistët e minierës së Bulqizës gjatë ditës së nesërme do të vizitohen nga një grup përfaqësuesish të shoqërisë civile.
Do të jenë një grup aktivistësh të shoqërisë civile ata që mesditën e nesërme në orën 12.00 do të zhvillojnë një takim me minatorët e minierës së Bulqizës të ngujuar prej javësh në greve urie ku pritet të njihen me gjendjen e tyre shëndetësore si dhe kërkesat që i kanë futur në këtë rrugë.
Ndër kërkesat kryesore të minatorëve, janë rritja e pagës në masën 40 për qind, përmirësim të kushteve të punës, uljen e moshës së pensionit si dhe largimin e drejtorit të minierës së Bulqizës.
Ndërkaq minatorët e Bulqizës janë sot në ditën e 24 të grevës së urisë, por ende nuk ka një marrëveshje mes tyre dhe përfaqësuesve të firmës koncensionare ACR.
a.y/NOA
