Athinë,3 shtator, NOA - Nën presionin e donatorëve ndërkombëtarë, Greqia duhet të bëjë më tepër për të vënë nën kontroll borxhet shtetërore. Qeveria e Athinës duhet ta ripunojë projektbuxhetin e vitit 2012 dhe të nisë reforma strukturore, bënë të ditur në një deklaratë Komisioni i Bashkimit Evropian, Banka Qendrore Evropiane dhe Fondi Monetar Ndërkombëtar. Delegacioni i tre institucioneve, që punon në Athinë u largua përkohësisht nga kryeqyteti grek, për t'i lënë më shumë kohë qeverisë.
Diplomatët e BE thanë më tej se ekziston pakënaqësi për përpjekjet e deritashme të Greqisë për reforma. Kështu nuk është hartuar lista e sipërmarrjeve që do të privatizohen. Mungon edhe një tabelë për rrogat që marrin nëpunësit civilë grekë. As planet e shpallura të kursimit të taksave nuk janë hartuar.
NOA?DV
