E martë, 4 tetor 2011, NOA/ Arjola Ymeraj- Një emigrant shqiptar i moshës 33 vjeçare gjeti vdekjen ditën e djeshme në Itali, pasi u qëllua me plumb nga karabinierët gjatë një ndjekje të policisë në zonën e Pascarola di Caivano në Napoli. Emigranti ishte bashkë me tre bashkëpunëtorët e tij kur u pikas me sjellje të dyshimtë brenda një makine dhe më pas nuk i ndaloi thirrjes së policisë. Pas disa minutash kërkim dhe ndjekje, emigrantët shqiptar u gjetën afër një fabrike, ndërsa iu gjetën në makinë disa objekte të vjedhura dhe 1 mijë euro, për të cilat ata nuk kanë ditur ti japin sqarime policisë, të shokuar edhe nga humbja e jetës së shokut të tyre. a.y/NOA
