Kaliforni, 19 tetor NOA - Për të distancë herë ajo sërish ka thyer rregullat e vendosura nga gjykatësja Stephanie Sautner dhe bëhet fjalë për lirinë e vigjiluar në të cilën ndodhej. Lindsay Lohan ka lënë orën e saj të psikologjisë, duke mos u prezantuar në këtë takim të përjavshëm që bëhej gjithmonë të hënave në mëngjes. Aktorja u justifikua duke pohuar se nuk kishte mjaftueshëm para për ta paguar, por për fat të keq më pas kanë qenë disa fakte që e kanë përgënjeshtruar diçka të tillë. Disa ditë më parë LiLo ka blerë një Porsche dhe ka shpenzuar plot 80 mijë dollarë. Me pak fjalë mund të themi se aventurat e “vajzës së keqe” vazhdojnë. Duke iu bazuar tek fjalët e gjykatëses, e cila bëri të qartë se në rast se Lindsay nuk do të zbatonte urdhrat atëherë do të kthehej në qeli, mund të themi se Lindsay rrezikon sërish burgun. r.b/NOA
