Shkodër, 31 tetor 2011, NOA – Tri femra nga komunat e Shkodrës janë ndaluar sot nga uniformat blu të qytetit, nën akuzën e ushtrimit dhe shfrytëzimit për prostitucion. Operacioni kundër trafiqeve të paligjshme u finalizua në orët e para të mëngjesit me ndalimin e 38-vjeçares E. S., lindur dhe banuese në Dobraç, Komuna Rrethina Shkodër; 37-vjeçares D. P., lindur në fshatin Kllogjen, Komuna Temal e banuese në lagjen “3 Heronjtë”, të qytetit Shkodër si dhe ndalimin e 62-vjeçares Sh. M., lindur në Malësi të Madhe dhe banuese në lagjen “3 Heronjtë”. Ndalimi i tri femrave u arrit falë Urdhër- Ndalimit të Prokurorisë së Shkodrës, pasi ato kishin konsumuar veprat penale të ushtrimit të prostitucionit dhe të shfrytëzimit të prostitucionit. mit/NOA
