Tiranë, 3 nëntor 2011, NOA – Policia e kryeqytetit ka sekuestruar një punishte e cila merrej me prodhimin, amballazhimin dhe shpërndarjen e ujit të pijshëm në bidona 20 litrosh, pa plotësuar kushtet për prodhim dhe shitje.
Ky aktivitet i paligjshëm ushtrohej në ambjentet e një minipunishte, e ndodhur në rrugën “Myslym Keta” në bodrumin e një banese, e cila nuk plotësonte asnjë standart dhe kushte për prodhimin, amballazhim dhe tregëtimin e ujit të pijshëm.
Për pasojë do të ndiqet penalisht Mirel Shaqir Muzhika, 26 vjeç, adminitrator i subjektit “Alo Uji”, i cili përdorte fatura tatimore të fallsifikuara, të cilat u a jepte subjekteve në momentin e shitjes së ujit. Njëkohësisht, aktiviteti i tij figuron i parregjistruar dhe i pa deklaruar në organet tatimore.
Nga hetimet e kryera rezulton se, ky aktivitet i paligjshëm, përfitohej shuma e parave prej 30.000 lekë të rinj, në një ditë, aktivitet i cili shtrihej dhe tregohej në një sërë subjektesh apo banesa në Kryeqytet.
Policia u bën thirrje qytetarëve që të tregohen të kujdesshëm në blerjen e ujit të pijshëm dhe konsumim e tij pa dëmtuar shëndetin dhe jo në blerjen e ujit të paliçensuar.
a.q/NOA
