Elbasan, 7 nëntor 2011, NOA – Një 65-vjeçar është paditur nga policia pasi ka rezultuar se automjeti që ai kishte në përdorim është i vjedhur. Padia ka filluar në ngarkim të Ramazan Rreshkës, lindur e banues në lagjen “Syrja Dylgjeri” Elbasan. Pas kontrollit që bëri policia rrugore në dokumentacionin e makinës tip “Golf” Wolsvagen me targa EL 7436 A, rezultoi se ky mjet ishte i vjedhur në vitin 1998 në Serbi.
Makina iu sekuestrua, ndërsa materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Trafikimi i mjeteve motorike’, parashikuar nga neni 141 i Kodit Penal.
a.k/NOA
