Tiranë, 19 nëntor 2011, NOA – Ka nisur pak minuta më parë mbledhja e Asamblesë Kombëtare të Partisë Socialiste. Kreu i selisë rozë, Edi Rama ka thirrur në një takim të veçantë gjithë emrat e rinj që u bënë pjesë e forumit të larë të selisë rozë në zgjedhjet e kongresit të 5 nëntorit.
Takimi po zhvillohet me dyer të mbyllura, ndërkohë që një ditë më parë, Rama u ka dërguar një letër gjithë anëtarëve të Asamblesë, ku u kërkonte që të kontribuonin për fitoren e selisë rozë.
Takimi i sotëm pritet të jetë një njohje e anëtarëve të rijnë me kursin e ri të selisë rozë dhe kreut të saj Edi Rama. Ndërkohë që nuk është përcaktuar ndonjë datë për zgjedhjen e kryesisë së re të PS-së, e cila do të votohet nga Asambleja. Por para së Asambleja të arrijë në procesin e votimit të kryesisë, duhet që më parë të konstituohet dhe të zgjedh Kryetarin e saj, post i cili deri më sot mbahet nga Gramoz Ruçi.
a.k.NOA
Foto: Asambleja Kombetare e PS, (Arkiv)
