Tripoli, 20 nëntor 2011, NOA – Ish-shefi i shërbimeve inteligjente të Libisë, Abdallah Al Senussi, i kërkuar nga Gjykata Penale Ndërkombëtare është arrestuar sot në jug të Libisë, raporton agjencia e lajmeve NOA.al.
Senussi u bllokua vetëm një ditë pas arrestimit të të birit të kolonelit libian, Saif al-Islam Gheddafi.
Lajmin e bëri me dije një eksponent i lartë i Këshillit Kombëtar Tranzitor të Libisë. “Abdallah al Senussi u prangos sot në rajonin e Guira-s, në jug të vendit”, deklaroi eksponenti i lartë duke ruajtur anonimatin e tij.
Mandej lajmi u konfirmua edhe nga korrespondenti i televizionit “Libia e Lirë”.
mit/NOA
