Milano, 25 nëntor NOA - Agjenti i Carlos Tevez, Kia Joorabchian, aktualisht ndodhet në Milano. Ai ka në program një takim me drejtuesit e skuadrës së Milanit dhe më konkretisht me administratorin e klubit, Adriano Galliani. Gjithçka do të flitet do të jenë në lidhje me nismën e një tratative për të sjellë në Milano sulmuesin e Manchester City dhe të përfaqësueses argjentinase. Milani është i interesuar për sulmuesin duke propozuar një huazim me të drejtë blerje. City kërkon 5 milionë menjëherë për huazimin dhe 20 milionë të tjera për blerjen përfundimtare të lojtarit. Problemi i vërtetë në këtë marrëveshje qëndron në faktin se Tevez ka një pagë të lartë të barasvlershme me 8 milionë euro, që nga Milani konsiderohet tepër e lartë. r.b/NOA
