Bruksel, 24 nëntor 2011, NOA- Kryesocialisti Edi Rama gjatë vizitës së tij në Bruksel u takua komisionerin për zgjerim në Komisionin Europian Stefan Fyle.
Mësohet se gjatë bisedës mes tyre Fyle është shprehur se, duhet të avancohet me procesin e integrimit të Shqipërisë në Bashkimin Europian.
Më tej ai ka theksuar se element kryesor për këtë proces është bashkëpunimi mes faktorit politik, pozitë-opozitë.
Ndërkaq në qëndrimin zyrtar të Komisionit Europian thuhet se takimi i kryesocialistit Rama me komisionarin për zgjerimin Stefan Fyle ishte pjesë e kontakteve të rregullta me forcat politike shqiptare në kuadrin e marrëveshjeve të fundit për reformën zgjedhore, reformën parlamentare dhe votimet e ligjeve me 3/5.
“Integrimi duhet të jetë axhendë kombëtare dhe politika shqiptare duhet të mbështesë axhendën europiane.Vlerësoj rolin e PS-së në integrimin e vendit dhe ritheksoj domosdoshmërinë e bashkëpunimit pozitë-opozitë”, është shprehur Fyle gjatë takimit.
Komisoneri Fyle dhe kryesocialisti Rama shkëmbyen gjithashtu mendime për situatën politike në vend.
a.y/NOA
