Kapshticë, 26 nëntor 2011, NOA – Pas kapjes pak ditë më parë në Tiranë të 11 klandestinëve kurdëve të fshehur brenda një kamioni mallrash, zbulohen në Doganën e Kapshticës katër klandestinë kurdë të tjerë, të fshehur në një mjet transporti frutash, që tranzitonte nëpër Shqipëri me destinacion Malin e Zi, raporton agjencia e lajmeve NOA.al.
Kapja e katër kurdëve, të cilët kishin hyrë në territorin shqiptar në mënyrë të paligjshme u finalizua rreth orës 10.00, në pikën doganore të Kapshticës.
Ata dolën zbuluar gjatë kontrollit të mjetit frigoriferik me targë PGGB648/PG014, ku efektivët e doganës kishin dyshuar për praninë e njerëzve brenda mjetit.
Nga kontrolli i imtësishëm, në pjesën fundore të kamionit frigoriferik u zbuluan katër klandestinët e fshehur, me kombësi kurde dhe përkatësisht të moshave 20-25 vjeç.
Sipas dokumentacionit shoqërues, mjeti frigoriferik me targë PGGB648/PG014 transportonte portokalle nga Greqia përdrejt Malit të Zi, për llogari të firmës malazeze POP FRUIT DOD, duke tranzituar nëpër Shqipëri.
Dogana e Kapshticës bën me dije se klandestinët kurdë iu dorëzuan autoriteteve policore, ndërsa për drejtuesin e mjetit, shtetasin malazez Vatko Sekulic, u mor masa e ndalimit.
mit/NOA
