Angli, 28 Nëntor 2011 NOA/ R.Bulku - Me largimin e Tevez, skuadra e Manchester City është hedhur në kërkim të zëvendësuesit të tij dhe pikërisht në lidhje me këtë fakt drejtuesit e klubit po kërkojnë një sulmues të denjë për skuadrën e tyre.
Duke parë sulmin e skuadrës me lojtarë si Dzeko, Balotelli dhe Aguero, Manchester City bëhet e ditur se do të zëvendësojë argjentinasin me Robin van Persie.
Për talentin holandez, bazuar në atë çka shkruhet nga “Mirror”, është e gatshme oferta prej 35 milionë sterlinash, ose mbi 40 milionë euro, raporton agjencia e lajmeve NOA.al.
Në rast refuzimi nga ana e Arsenalit, atëherë alternativa e parë e teknikut italian Roberto Mancini është Ezequiel Lavezzi, lojtar që ka pëlqimin maksimal nga trajneri.
r.b/NOA
