Fier, 1 dhjetor 2011, NOA – Policia e Fierit ka zbardhur vrasjen e një 40 vjeçari në orët e mbrëmjes. Sipas komunikatës zyrtare, rreth orës 17.40, në lagjen “11 Janari”, përballë ish “Hotel Vjosa”, ka mbetur i vrarë me armë zjarri shtetasi Spartak Spaho,40 vjeç,banues në Fier.
Strukturat e Hetimit të Krimit të Drejtorisë së Policisë Qarkut Fier, shërbime të tjera të Policisë si dhe grupi hetimor, shkuan menjëherë pranë vendit të ngjarjes, për kryerjen e veprimeve hetimore dhe proceduriale.
Nga hetimet e deritanishme, pranë vendit të ngjarjes, si pasojë e të shtenave, kanë mbetur të plagosur lehtë dy kalimtarë të rastit, të cilët pasi morën ndihmën e parë mjekësore, janë jashtë rrezikut për jetën.
Policia thotë se ka nisur hetimin për ngjarjen e rëndë.
a.q/NOA
