Vlorë, 6 dhjetor 2011, NOA- Një 23 vjeçar nga qyteti i Fierit është ndaluar në port, pasi iu gjetën dhe bllokuan 4 kilogramë drogë e llojit “Cannabis sativa”.
Burime zyrtare nga policia e këtij qyteti thanë për agjencinë e lajmeve NOA.al se, gjatë një kontrolli të imtësishëm në autobuzin e linjës Fier-Firenze me targa FR 6184 D është gjetur një çantë me 4 kilogramë drogë, e cila nga verifikimet ka rezultuar se i përkiste Besian Bregut, lindur dhe banues në lagjen “Liri” Fier.
Lënda narkotike e gjetur ishte shpërndarë në katër pako të mbështjella me ngjitës natriban me ngjyrë kafe, ndërsa Breu përfundoi në rajonin e policisë.
Mësohet se lënda narkotike kishte destinacion shtetin fqinj, Italinë.
a.y/NOA
