Sekretari për Programin në PS, Ilir Beqja nënvizoi në deklaratën e tij për mediat se tashmë as Instituti i Gënjeshtrave të Berishës nuk fsheh dot më krizën në ekonominë shqiptare. Beqja mori në analizë disa nga të dhënat kryesore të publikuara nga ky institucion duke pohuar se nëse vetë INSTAT deklaron një rënie të ekonomisë në vlerë 0.2%, çdokush kupton se rënia është shumë më e madhe.
Në deklaratën e tij sekretari socialist thotë se tashmë ekonomia shqiptarë ka nevojë të rimëkëmbet dhe për këtë PS është gati. Zgjidhjet, thotë Beqja në deklaratën për mediat, janë pikërisht në programin “Për një Rilindje Shqiptare”.
