Charlotte Ponce, një vajzë 10 vjeçare nga Miçigan, ka shpenzuar 8 orë në kirurgji për vendosjen e një hunde të re.
Charlotte Ponce, tani është 10 vjeç, por kur ajo ishte 3 muaj u sulmua nga një kafshë Rakun, i cili i copëtoi një vesh, hundën dhe një pjesë të buzëve.
Ai kishte dalë nga kafazi i tij pasi i ishte lënë dera hapur gjatë kohës që i ishte hedhur ushqimi.
Prindërit kishin lënë vetëm fëmijën në shtëpi bashkë me vëllain e saj 15 muaj.
Më pas prindërit humbën kujdestarinë e fëmijëve dhe fëmijët u adoptuan nga një familje tjetër Tim dhe Sharon Ponce.
Tani pas 10 vjetësh mjekët e spitalit Beaumont në Royal Oak, Michigan, kanë ndërmarë një operacion tepër të vështirë i cili kaloi vetëm fazën e parë. Pas disa muajsh vajza 10 vjeçare dot'i nënshtrohet një sërë operacionesh të tjera për kompletimin e fytyrës së saj që nuk do të jenë të lehta pasi pjesë nga lëkura e trupit të saj do të merren dhe do të vendosen në fytyrën e saj.
Por pas operacionit të parë vajza dukej mjaft e qetë dhe në një intervistë për shtyp ajo dukej e lumtur dhe mjaft optimiste: "tashmë kam një hundë të re dhe do të kem dhe një fytyrë të bukur", është shprehur ajo.
