"Që të ecet përpara, duhet të lemë pas të kaluarn duke krijuar një shoqëri të re, të barabartë për të gjithë", këto kanë qënë fjalët e trajnerit të tenisit i cili këto ditë ka bashkuar fëmijët shqiptarë dhe serbë në një kampionat tenisi.
Fëmijët nuk i venë re ndryshimet etnike dhe problemet politike kur janë para një loje, por të rriturit po.
Shumë gjëra i ndanë shqiptarët e Kosovës dhe pakicën serbe gjatë viteve të konfliktit etnik, por të dielën në Graçanicë, fëmijët sollën një frymë të re, ku e vetmja ndarje ishte rrjeta në fushën e tenisit. Rreth njëqind fëmijë marrin pjesë në një kampionat tenisi që mbledh fëmijë të origjinave të ndryshme etnike.
"Fëmijët e ndiejnë ndryshimin. Nuk është e njëjta gjë, kur ata shkojnë në një mjedis tjetër ku ndihen më pak të sigurt", thotë Mikiç.
"Ata janë paksa të frikësuar. Por ç’ti bësh? Është e vetmja mundësi për të marrë pjesë në një kampionat.", shprehet babai i një prej konkurrentëve 7-vjeçarit Ilija Mikiç, i cili është mjaft i komunikueshëm me të gjithë lojtarët në fushën e lojës.
