Tirana çdo ditë e më tepër po mbulohet nga ngjyrat kuq e zi, ku përveç dekorimeve nga Bashkia e Tiranës, atmosferës festive i janë shtuar edhe flamuj dhe banderola të vendosura nga qytetarët apo dhe lëvizjet e ndryshme që punojnë për kombin shqiptar. Flamuj kuq e zi me stemën e pavarësisë kanë "pushtuar" gjithë Tiranën nën një dekorim mbresëlënës.
Por të shohish me kujdes mes flamujve kuq e zi, syri të dallon dhe një flamur tjetër por që dhe ai i përket kombit shqiptar por që përfaqson lëvizjen çame e cila po punon që ajo pjesë e trojeve t'i bashkangjitet trungut mëmë, Shqipërisë.
Gjithashtu syri të zë dhe banderola të mëdha, të vendosura nga Aleanca Kuq e Zi ku simbolet shprehin se Traktatit të Londrës po i vjen fundi. Shqipëria do të jetë një dhe përgjithmonë shumë shpejt.
Edhe 9 ditë duke filluar nga sot na ndajnë nga dita më e madhe, nga ajo ditë ku Shqipëria fitoi mëvetësinë e saj në sajë të përpjekjeve dhe sakrificave jetësore të popullit shqiptar, përmes figurave të tij të shquara.
