Komisariati i Policisë Durrës pas një pune 3-mujore ka realizuar kapjen e personit të kërkuar për vrasje të dyfishtë, shtetasit Leonard Traga, 33 vjec, banor i qytetit të Durrësit; person i akuzuar edhe më parë për vepra penale kundër personit.
Shtetasi në fjalë është shpallur i kërkuar në zbatim të Urdhërit të Ndalimit të lëshuar nga Prokuroria e Rrethit Kavajë, pasi dyshohet të jetë autor i vrasjes së shtetasve Sulejman Shehi dhe Durim Pashalliu mesditën e datës 25 korrik 2012; ngjarje e ndodhur në afërsi të vendit të quajtur Mali i Robit ne Golem të Kavajes.
Gjithashtu, të dëmtuar rëndë në këtë ngjarje kanë mbetur edhe nje grua e një fëmijë.
Më datë 25 korrik 2012 u bë edhe shpallja në kërkim e këtij shtetasi për veprat penale "Vrasje ne rrethana te tjera cilesuese", "Vrasje e mbetur ne tentative" & "Armembajtje pa leje".
Ndërhyrja për kapjen e shtetasit në fjalë u krye mesditën e sotme në lagjen Nr.13 Plazh dhe u finalizua me kapjen e tij.
Ky shtetas do t’i dorëzohet për veprime të mëtejshme proceduriale shërbimeve të Drejtorisë Policisë Qarkut Tiranë.
