Policia dhe forcat xheniere të ushtrisë kanë realizuar një shpërthimi të pjesshëm, për shëmbjen e një godine 5-katëshe, që ndodhej përballë godinës së Fakultetit Ekonomik në një hapësirë që është lënë për t'u ndërtuar Kampus Universitar. Urdhëri i shembjes është dhënë nga zv/drejtori i Policisë së Tiranës, Pandi Sulla.
Në vendin e ngjarjes ka pasur dhjetëra forca policie, si dhe drejtues të uniformave blu.
Tek godina kanë qenë të pranishëm edhe forcat e ushtrisë të cilët kanë kontrolluar zonën.
Shembja ishte parashikuar që të kishte ndodhur në orën 10:00 të mëngjesit të sotëm por është shtyrë për disa dhjetëra minuta pasi nuk ishte pastruar ende e gjithë zona nga makinat që ndodheshin të parkuara.
Pasi gjithçka ishte në rregull në orën 13:00 është shtypur butoni që ka sjellë edhe shkatërrimin e godinës që ishte pa leje.
Ngjarja është shoqëruar edhe me një incident të rrezikshëm, por pa shkaktuar viktima, teksa në momentin e rrëzimit përfundimtar të godinës, një pjesë e saj ka prekur edhe xhamin e parë të një fadrome.
Shpërthimi nuk arriti ta rrëzojë totalisht ndërtesën, e cila mbeti në këmbë edhe pas shpërthimit të eksplozivit të kontrolluar, por rrëzimi total i saj u bë me fadroma, të cilat zhvendosën edhe materialet e ndërtimit. Megjithatë autoritetet e policisë thanë se ky ishte edhe qëllimi i operacionit.
