Ditën e hënë u përurua ujësjellësi i qytetit të Bilishtit dhe fshatit Bitinckë, një investim prej 7.5 milion euro.
Z.Valter Miza, kryetar i Bashkisë Bilisht dha një pritje për të ftuarit në zyrën e tij. Merrnin pjesë deputetët e Devollit Ridvan Bode dhe Ylli Ziçishti, deputeti i Korçës Piro Kapurani, nënprefekti Artan KECO, përfaqësuesi austriak i prodhimit të tubave, përfaqësues të institucioneve vendore, këshilltarë, përfaqësues të firmës zbatuese, etj.
Shiritin e përurimit e prenë Z.Valter Miza dhe Z. Ramdan Hoxha, kryetar i Komunës Qendër Bilisht. Pastaj pjesëmarrësit vizituan objektet e reja të furnizimit dhe kontrollit pranë kaptazhit ekzistues.
