Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Operacioni “Gjoba” arreston zyrtaren, mori 1 milionë lekë ryshfet
English

Operacioni “Gjoba” arreston zyrtaren, mori 1 milionë lekë ryshfet

Gjirokastër, 1 Tetor, NOA - Një kontrollore pranë drejtorisë Rajonale të Inspektoriatit të Punës në Gjirokastër, është arrestuar në flagrancë pasi mori në formë ryshfeti shumën prej 1 milion lekësh të vjetra një qytetari.

Ngjarja konfirmohet prej burimeve të policisë të Gjirokastrës, sipas të cilave, ajo ka rënë në pranga në kuadrin e një operacioni të koduar me emrin “Gjoba”, ndërsa tashmë është sekuestruar në cilësinë e provës materiale shuma e lekëve prej 1 milion lekësh.

Këtë herë, në kuadrin e goditjes së një tjetër rasti të korrupsionit pasiv nga persona që ushtrojnë funksione publike, viktima ka qenë 37-vjeçarja me inicialet D.M, lindur dhe banuese në Gjirokastër me detyrë kontrollore pranë Inspektoriatit të Punës.

Arrestimi i saj u bë për arsye se ajo rreth një muaj më parë i kishte vendosur një gjobë në shumën prej 5 milion lekë të vjetra një subjekti privat në Gjirokastër “Prodhim Mobiljesh” për mosrespektim të rregullave teknike të punës.

Më pas, zyrtarja e lartpëmendur i ka kërkuar pronarit të mobilerisë që t’i jepte në formë ryshfeti shumën prej 1 milion lekësh të vjetra për t’ia anuluar gjobën.

Pronari i mobilerisë e ka denoncuar këtë fakt pranë sektorit kundër krimit financiar në Policinë e Gjirokastrës.

Prej tre javësh, duke përdorur metodat speciale të hetimit, u arrit që dje në mbrëmje, në një lokal të Gjirokastrës, të realizohej dhënia e sasisë së lekëve dhe më pas arrestimi i saj në flagrancë.

Materialet i kaluan prokurorisë së Gjirokastrës për veprime të mëtejshme për veprën penale të “Korrupsionit pasiv nga persona që ushtrojnë funksione publike parashikuar nga neni 259 i Kodit Penal.

n.e/NOA

KOMENTE