Nga Rajmonda Lajthia
Tiranë, 6 Prill NOA - Prokurimet elektronike të filluara rreth tre muaj më parë, me shumë bujë nga Kryeministri Sali Berisha nuk garantojnë barazi dhe transparencë në tenderë.
Konstatimi është  bërë sot, nga Avokati i Prokurimeve, Edi Spaho gjatë raportimit në Komisionin Kuvendor të Ekonomisë.
Sipas kreut të këtij institucioni, ligji i ri i prokurimeve nuk lejon askënd të hetojë se sa e saktë ka qenë procedura e ndjekur.
Madje ligji nuk lejon as vetë institucionin e Avokatit të Prokurimeve.
Sipas Spahos, pjesëmarrësit në garë që s'kualifikon nuk njihen me kushtet dhe kriteret qe shpallet fituesi.
Ndaj ky institucion është i mendimit se ligji i ri i prokurimeve ka mangësi të theksuara transparence.
Në shumë raste Avokati i Prokurimeve ka konstatuar se fituesi i tenderit është ai që ka dhënë shifrën më të ulët.
Kjo situatë na jep realitetin se çmimi më i ulet ka më pak cilësi.
Opozita ka deklaruar se këto konkluzione janë bërë publike kohë më parë, duke vërtetuar abuzimet qeveritare me fondet publike.
Deputetet e majtë në komisioni kanë kërkuar kompetenca më të mëdha për Avokatin e Prokurimeve.
Vetëm gjatë vitit të kaluar Avokati i Prokurimeve ka konstatuar rreth 400 shkelje me tenderët publikë në institucione të ndryshme shtetërore.
Por Avokati i Prokurimeve është një institucion i cili nuk ka fuqi vendimmarrëse. Ai vetëm konstaton dhe sugjeron.
r.l/NOAÂ
