Tiranë, 10 prill, NOA - Shefi i Misionit të Bashkimit Evropian për Drejtësi dhe Rregull në Kosovë, (EULEX), Yves de Kermabon,
ka deklaruar sot gatishmërinë e këtij misioni për të zbardhur të vërtetën mbi akuzat e ngritura nga ish-Kryeprokurorja e Hagës, Karla Del Ponte, për trafik organesh të qenieve njerëzore gjatë kohës së luftës në vitin 1999 në Kosovë.
Kjo deklaratë u bë gjatë konferencës së përbashkët për shtyp të tij me ministrin tonë të Drejtësisë, Alibeaj, pas takimit të tyre në Tiranë ditën e sotme.
"Jemi të gatshëm për të nxjerrë në dritë të vërtetën", - u shpreh Yves de Kermabon.
Edhe Prokuroria e Përgjithshme e Shqipërisë kishte reaguar pak kohë më parë lidhur me këtë ngjarje duke i konsideruar si të pabaza akuzat e ish-kryeprokurores Karla Del Ponte për një trafik të mundshëm organesh të ushtarëve serb në Kosovë dhe Shqipëri, në vitin 1999.
s.v/NOA
