Tiranë, 16 prill, NOA - Emri i Endri Pemës po përflitet në Drejtorinë e Përgjithshme të Doganave për të qenë pasuesi në detyrën e kryesuesit të saj pas shkarkimit të djeshëm nga qeveria të ish-drejtorit Përparim Dervishi.
Burimet jozyrtare konfirmojnë për agjencinë e Lajmeve NOA se Endri Pema, ka shumë gjasa që të jetë drejtori i ri i Doganave që do të zgjidhet në detyrën e drejtorit të ri të Përgjithshëm.
Aktualisht, i ngarkuar me detyrën e një punonjësi të administratës tek Doganat, Pema pritet të marrë përsipër rolin e rëndësishëm të sigurimit të më shumë të ardhurave nga ky sektor priorirar për qeverinë.
Mësohet se rezultatet negative të kohëve të fundit në to, kanë qenë edhe shkaku kryesor i marrjes së vendimit nga ana e qeverisë për shkarkimin drejtorit të mëparshëm, Përparim Dervishi.
n.e/NOA
