Elbasan, 27 prill, NOA - Në turin e takimeve me zgjedhësit për zgjedhjet parlamentare të 28 qershorit 2009, kryetari i Partisë Lëvizja e Legalitetit, Ekrem Spahiu, zhvilloi një takim në komunën Gostimë të rrethit Elbasan.
Duke folur për qeverisjen 4-vjeçare, Spahiu tha se arritjet e kësaj mazhorance janë të dukshme duke filluar nga proceset integruese të Shqipërisë në strukturat euro-atlantike, për të vazhduar me reformat e ndërmarra, rritjen ekonomike, investimet gjithnjë e në rritje në infrastrukturë, paga, pensione, etj.
Spahiu u tha ndër të tjera të pranishmeve se kjo mazhorancë nuk e kërkon votën thjesht për ato që ka bërë gjatë këtyre viteve dhe premtimet e mbajtura, por e kërkon për ato çfarë do të bëjë në dobi të shqiptarëve gjatë mandatit të ardhshem 2009-2013.
Duke vijuar më tej, Spahiu vlerësoi maksimalisht edhe dorëzimin zyrtarisht prej kryeministrit Berisha më datë 28 prill 2009 të kërkesës së Shqipërisë për anëtarësim në Bashkimin Evropian.
n.e/NOA
