Kuçovë 29 prill NOA - Policia sekuestron 90 kilogram kanabis sativa dhe çon në qeli 5 persona.
Operacioni i policisë i cili nisi ditën e djeshme u finalizua mesditën e sotme dhe u zhvillua paralelisht në tre qytete, Kuçovë, Fier dhe Vlorë.
Burime zyrtare nga thanë se u arrestuan pesë persona babë e bir, Estref dhe Ndricim Kaçi, nga Kuçova, Johan Çuko nga Fieri, Ardian Tabaku, ish-polic i komisariatit të Kuçovës, dhe Elvis Aliajn nga Fieri.
Mësohet se policia e Beratit zbuloi një sasi prej 90 kilogram kanabis sattiva, në momentin që Elvis Aliaj po përpiqej ti transportonte ato me makinë nga qyteti i Kuçovës në drejtim të Fierit. sipas policisë u zbulua dhe një banesë në qytetin e Kuçovës ku përgatitej lënda narkotike. Ndërkohë që gjatë operacionit agjentët e antidrogës janë përballur me një incident.
Ata ishin vënë në ndjekje të makinës që dyshonin se po transportonte drogë gjë e cila u diktua nga drejtuesi i mjetit e ka goditur nga pas mjetin ku udhëtonin agjentët e drogës. Këta të fundit nuk kanë pësuar dëmtime, ndërsa i dyshuari ka ndërruar destinacion duke u drejtuar për në Berat por vetëm pak metra më larg ai është aksidentuar pasi po udhëtonte me shpejtësi të madhe.
Operacioni i policisë i cili vazhdonte paralelisht në Kuçovë, pasoi me bllokimin e 230 thasëve të tjerë me kanabis sativa e pa presuar, si dhe 250 degë të tjera gati për tu presuar. K.k/NOA
