Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Amerikanët i japin Policisë së Shtetit pajisje të sofistikuara antikrim
English

Amerikanët i japin Policisë së Shtetit pajisje të sofistikuara antikrim

Tiranë, 30 prill NOA Update - Ministri i Brendshëm Bujar Nishani nënshkroi me Ambasadorin e SHBA në Tiranë Z. John L. Withers II, marrëveshjen e dhurimit nga qeveria amerikane nëpërmjet programit ICITAP për Policinë e Shtetit, të disa sistemeve hardware dhe software në funksion të sistemit TIMS dhe programit MEMEX.

Nishani e cilësoi këtë dhuratë një ndihmë të çmuar për realizimin e funksioneve dhe detyrave të përditshme të Policisë së Shtetit.

Ai tha se në sajë të kësaj asistence dhe funksionimit në themel të sistemit TIMS realizohen një sërë shërbimesh të informatizuara; si sistemi i kërkimit, sistemi i arkivës kriminale, sistemi i informacionit të kontrollit kufitar , raportimi i ngjarjeve, apo dhe ai i programit MEMEX, përmes të cilit administrohen të dhënat kriminale në funksion të analizave të veprimtarive kriminale,-u shpreh Ministri Nishani.

Ministri i Brendshëm shtoi se pa këtë përparim të teknologjisë, lufta kundër krimit të organizuar, kontrolli dhe menaxhimi i integruar i kufijve si prioritete të angazhimit të qeverisë shqiptare, nuk do të kishin mundur të arrinin në standardet që kemi sot.

Nishani konfirmoi në emër të Ministrisë së Brendshme se ndihma e dhënë deri më tani policisë shqiptare nga ana e qeverisë së SHBA dhe popullit amerikan, ka qenë një ndihmë tërësisht efiçente, që i ka shërbyer maksimalisht konsolidimit të institucioneve të shtetit shqiptar, i ka shërbyer rritjes së sigurisë dhe shërbimit të qytetarëve shqiptarë, por edhe sigurisë së tërë rajonit tonë.

Kurse Ambasadori i SHBA Z. John L. Withers II vlerësoi në fjalën e tij se sistemi TIMS ka avancuar në mënyrë të jashtëzakonshme duke nënvizuar se tashmë jemi në fazën kur ky sistem pritet të përfundojë shtrirjen e tij në të gjithë Shqipërinë.

Ambasadori Withers u shpreh se me këtë donacion me vlerë mbi një milion dollarë, donacionet e përgjithshme deri më tani kapin vlerën e 14 milion dollarëve, si dhe e cilësoi donacionin e sotëm një gur të rëndësishëm kilometrik në rrugën e kalimit të sistemit TIMS në duart e Policisë së Shtetit.

Në ceremoninë e organizuar ishin të pranishëm edhe Drejtori i Përgjithshëm i Policisë së Shtetit Z. Ahmet Prençi, Drejtori i Programit ICITAP Z. Darrel Hart, si dhe funksionarë të lartë të Policisë së Shtetit dhe këshilltarë të programit ICITAP.

e.l/NOA

KOMENTE