Londër, 7 maj, NOA - Â Plas skandali në shtëpinë e Mbretëreshës Elisabeta II. Revista britanike "Sun" tregon se si njëri nga mazhordomët e saj, Robert Wilson, është kapur duke parë një film porno me prirje homoseksuale, në rezidencën mbretërore të Sandringhamit në Norfolk.
Wilson sapo i kishte shërbyer çajin e pasdites Mbretëreshës, shkoi në një dhomë tjetër, ku edhe u kap duke parë një film porno gay në kompjuterin e tij.
Mbretëresha u turbullua shumë nga një akt i tillë, kjo edhe pasi vetëm disa ditë më parë, një çift u kap poshtë kështjellës së saj, Windsor duke bërë seks dhe u përzu me forcë nga policia.
Pas ngjarjes, mazhordomi Wilson, duket se nuk do ta ketë të lehtë me karrierën e tij. Ai është përzënë menjëherë nga roli i shërbyesit në sallën e ngrënies së mbretëreshës dhe ka humbur të drejtën për të banuar në banesën e tij me shikim nga kopshtet e pallatit Buckingham, duke i dhënë një tjetër e cila është më modeste.
Dhe nëse ai ka arritur ta mbajë gjithsesi vendin e punës pas asaj që ndodhi, është pikërisht fakti se ka qenë një nga më të preferuarit e mbretëreshës. Në vend që ta pushonte, ajo ka preferuar ta ulë në detyrë, duke i zbritur, kuptohet, edhe pagesën.
n.e/NOA
Â
