Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Një elektricist i shpëton djegies i gjallë nga flakët në një banesë
English

Një elektricist i shpëton djegies i gjallë nga flakët në një banesë

Shkodër, 10 maj NOA - Një banesë u përfshi nga flakët në qytetin e Shkodrës kurse një elektricist që po kryente atje punime, i shpëtoi djegies për së gjalli nga ndërhyrja e forcave zjarrfikëse.

Burime nga policia vendore, i thanë sot agjencisë së lajmeve NOA se ngjarja ndodhi në një apartament në lagjen "Xhabije" të qytetit Shkodër.

Flakët përfshinë banesën e Bardhok Dodës, ndërsa brenda saj, një elektricist po kryente punime instalimi, në rrjetin e brendshëm elektrik.

Në një moment ende të paqartë, një qark elektrik ka përfshirë apartamentin duke shkaktuar flakë që u përhapën gjerësisht.

Për pasojë edhe elektricisti që ndodhej në punë e sipër, pësoi djegie të një shkalle të ulët.

Forca të repartit për Mbrojtjen Kundër Zjarrit mbërritën shpejt në vendngjarje, duke bërë të mundur nxjerrjen e elektricistit, i cili u dërgua për mjekim në spitalin vendor, pa rrezik për jetën.

Një grup hetimor shkoi në vendngjarje dhe tha se po punon për gjetjen e shkakut të këtij zjarri.

Paraprakisht, mendohet se pakujdesia në punë e elektricistit, shkaktoi zjarrin me dëme të konsiderueshme materiale në banesën e familjes Doda.

r.d/NOA

KOMENTE