Hajdin Islami
Vushtrri, 10 Maj NOA - Në Shtëpinë e Kulturës "Hasan Prishtina" në Vushtrri,
është përkujtuar sot me një akademi përkujtimore, 10-vjetori i rënies heroike të Dëshmorit të Kombit Hamdi Ferati.
Të pranishmit në këtë akademi e kanë çmuar lartë veprën dhe heroizmin e dëshmorit Hamdi Ferati.Â
Organizatorët e kësaj akademie përkujtimore ish-luftëtarët e Brigadës 141 "Mehë Uka" të Zonës Operative të Shalës kanë folur për heroizmin e dëshmorit Hamdi Ferati kundër forcave serbe.
Për figurën e Hamdi Feratit ka folur edhe kreu i Komunës së Vushtrrisë, Bajram Mulaku, ndërsa Enver Ferati, nga familja e dëshmorit Hamdi Ferati i ka përshëndetur të pranishmit me një fjalë rasti.
Në fund të kësaj akademie të pranishmit kanë vënë kurora lulesh në Varrezat e Dëshmorëve në Bletaj.
h.s/NOA