Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Përfituan në mënyrë të kundraligjshme 167 viza në Ambasadën Hungareze, ndalohen nga policia
English

Përfituan në mënyrë të kundraligjshme 167 viza në Ambasadën Hungareze, ndalohen nga policia

Tiranë, 11 maj NOA - Përfituan 167 viza në mënyrë të kundraligjshme në Ambasadën Hungareze në Tiranë, përfundojnë në qeli dy persona dhe ndiqen në gjendje të lirë katër të tjerë.

Hetimet për zbulimin e mënyrës së marrjes së vizave u kryen nga Drejtoria Kundër Krimit Financiar në Drejtorinë e Përgjithshme të Policisë se Shtetit në bashkëpunim me Drejtorinë Rajonale të Kufirit dhe Migracionit Durrës, Drejtoritë e Policive të Qarqeve Durrës dhe Tiranë.

Burime nga policia thanë për agjencinë e lajmeve NOA se dje u ndaluan Iris Çekani, 35-vjeçe lindur dhe banues në Tiranë, me arsim të lartë, me detyrë administratore e agjencisë turistike "MAR-EST.TRAVEL" dhe Valter Marashi, 21-vjeç lindur në Tropojë dhe banues në Tiranë, studentë i vitit II-të, fakultetit Juridik në Universitetin UFO.

Sipas policisë ndalimi i tyre u bë pasi në datë 6 maj 2009 agjencia turistike e "MAR-EST.TRAVEL", duke mashtruar për destinacionin e udhëtimit nga Sllovenia në Spanjë ka marrë në mënyrë të kundraligjshme 167 viza turistike në Ambasadën Hungareze në Tiranë.

Në listën e marrjes së vizave përveç studentëve të Universiteteve private janë futur dhe persona të tjerë që nuk kanë qenë studentë, por me dokumenteve të falsifikuara, me qëllim përfitimin e pa rregullt të vizave që të kalonin kufirin shtetërorë për në vendet e Evropës.

Veç dy të ndaluarve policia referoi në prokurori materialet procedurale në gjendje të lirë dhe për katër persona të cilët janë, Marios Rizai, 23-vjeç lindur dhe banues në Berat, pa punë, me arsim të mesëm, Taulante Bega, 22-vjeç, lindur dhe banues në Berat, pa punë, me arsim të mesëm, Nazmi Zeneli, 18-vjeç lindur dhe banues në Lushnjë, pa punë, me arsim 8-vjeçar si dhe Ada Qadhimi, 24-vjeç, lindur dhe banues në Tiranë, pa punë, me arsim të larte.

"Procedimi penal në ngarkim të tyre filloi pasi me dokumente të falsifikuara prej agjencisë ‘MAR-EST.TRAVEL", janë pajisur me viza turistike për të udhëtuar jashtë shtetit kundrejt pagesave në shuma të konsiderueshme. Këto viza janë anuluar nga Ambasada Hungareze në Tiranë dhe të gjithë personat e pajisur me viza janë kthyer në portin e Durrësit" bëri të ditur Policia e Shtetit.

k.k/NOA

KOMENTE