Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Presidenti Topi anashkalon një takim zyrtar me Gruevskin
English

Presidenti Topi anashkalon një takim zyrtar me Gruevskin

Shkup, 12 maj NOA - Presidenti i Shqipërisë, Bamir Topi nuk ka zhvilluar takim të posaçëm me kryeministrin Nikolla Gruevski, takim i cili ishte parashikuar në axhendën e Qeverisë në Shkup.

Lajmi bëhet i ditur nga agjencia e lajmeve INA, duke u cituar burime qeveritare, të cilët konfirmojnë mohimin e presidentit shqiptar për takim me Gruevskin.

Sipas tyre, Presidenti shqiptar Bamir Topi ka anashkaluar një takim protokollar me kryeministrin e Maqedonisë, Nikolla Gruevski.

Kabineti i kryeministrit Gruevski e ka sqaruar në një komunikatë se "për shkak të qëndrimit të shkurtër të delegacionit të Republikë së Shqipërisë, Bamir Topi, kryetari i Qeverisë Nikolla Gruevski, në margjinat e inaugurimit realizoi takim të shkurtër joformal dhe përshëndetës me presidentin shqiptar".

Ndërkohë, siç bëhet e ditur Gruevski ka zhvilluar takime të ndara zyrtare me presidentin kroat Stipe Mesiç, atë serb Boris Tadiç dhe presidentin e Malit të Zi, Filip Vujanoviç.

"Takimet kaluan në atmosferë miqësore dhe në të njëjtat u përfshinë më shumë tema të rëndësishme për perspektivat për zhvillim të rajonit dhe thellimin e bashkëpunimit bilateral mes shteteve", - thuhet në komunikatën e Qeverisë së Maqedonisë.

Theks i veçantë në takime, sipas komunikatës, u vu në masat dhe aktivitetet të cilat shtetet i ndërmarrin në fushën e realizimit të integrimeve evropiane dhe euroatlantike, si dhe pesha e të njëjtave integrime për stabilitetin e rajonit".

z.h/NOA/INA

KOMENTE